Rexistro de demandantes de vivenda

O éxito do cooperativismo é a capacidade de que un grupo de persoas cun obxectivo común sexan quen de acordar accións conxuntas e coordinadas en favor de acadar o mesmo. O acceso a unha vivenda no que traballamos non sigue os procesos habituais no mercado dunha compravenda ou aluguer. Os interesados deben estar organizados e ter determinado os criterios mínimos que caracterizarán o seu obxectivo antes de poder iniciar a promoción da vivenda á que acceder.

Animámoste a que te deas de alta no noso rexistro de demandantes de vivenda, a través do cal poderás coñecer de primeira man as iniciativas que impulsamos e que participes na que sexa do teu interese. En cumprimento da Lei de Protección de Datos, éstes terán como único e exclusivo destino que GALCA te informe das opcións cooperativas que podan xurdir, podendo exercer o teu dereito de anulación e eliminación da nosa base de datos en calqueira momento.

Metodoloxía de traballo

A atención ao socio, o asesoramento e a coordinación entre os órganos de decisión e os axentes intervintes no proceso constructivo (arquitectos, enxeñeiros, constructora, etc.) son os factores claves para que a promoción sexa un éxito.

Os pilares fundamentales a hora de establecer un fluxo de información na xestión de cooperativas de vivendas son os seguintes:

• Aplicación das TIC
• Atención presencial ao socio de xeito periódico e constante
• Coordinación técnica periódica, mediante revisión do proceso constructivo
• Os fluxos de traballo e información entre a cooperativa, equipo xestor e equipo técnico son fundamentais para efectivizar o funcionamento dunha promoción destas características. A filosofía que une aos tres equipos é a da optimización dos recursos, acadando a mellor vivenda posible, incluíndo o maior número de innovacións constructivas en función das características da actuación e velando sempre pola consecución da mellor relación calidade-custe
• O coñecemento dos axentes intervintes, custos e prezos de mercado dos mesmos (excavacións, estudos xeotécnicos, enxeñeiros, estudos de arquitectura, dirección de obras, OCT, etc.) permítenos dominar a parte clave dos proxectos: O Estudo Económico. Unha labor fundamental resulta a vixilancia do cumprimento do mesmo, traballando para mellorar os prezos e calidades en moitos dos casos
• O servizo de xestión vai máis aló do acceso á vivenda, xa que incorporamos o asesoramento no deseño de interiores e a posterior xestión do edificio. A singular e estreita relación cos destinatarios finais das vivendas trata de promover unha paz social que se traduce en maior calidade de vida residencial